قاڭتار-اقپان ايلارىندا قازاقستاندا مۇناي, جانارماي شىعارۋ وسكەن

مامانداردىڭ مالىمەتىنشە, قاڭتاردا قازاقستاندا مۇناي ءوندىرىسى دە, جانارماي شىعارۋ دا وسكەن. مۇناي ونىمدەرىنىڭ, اسىرەسە ديزەل وتىنىنىڭ باعاسى وسكەن.

قىسقى ديزەل وتىنى ءبىر جىل ىشىندە 26,2 پايىزعا, ءبىر ءليترى 268 تەڭگەگە دەيىن قىمباتتادى. ال جازعى ديزەل وتىنىنىڭ باعاسى 21,9 پايىزعا, ءليترى 193 تەڭگەگە دەيىن ءوستى. اي-98 ماركالى بەنزيننىڭ باعاسى دا ءبىر پايىزعا, 191 تەڭگەگە دەيىن ءوستى. الايدا اي-95/96 جانە اي-92 باعالارى كەرىسىنشە, 2,1 پايىزعا (174 تەڭگەگە دەيىن) جانە 4,6 پايىزعا (152 تەڭگەگە دەيىن) قىسقاردى. ەلىمىزدە قاڭتار ايىندا وندىرىلگەن مۇناي كولەمى, گاز كوندەنساتىن قوسا العاندا, سەگىز ميلليون توننا بولدى. وتكەن جىلدىڭ قاڭتارىمەن سالىستىرعاندا ءوندىرىس كولەمى 5,4 پايىزعا نەمەسە 409,2 مىڭ تونناعا ءوستى. گاز كوندەنساتىن ءوندىرۋ كولەمى 5,2 پايىزعا, 1,1 ميلليون تونناعا دەيىن تومەندەدى. مۇناي ءوندىرۋدىڭ وسۋىمەن وتىن ءوندىرىسى دە ارتتى: بەنزين - جىلىنا 31,5 پايىزعا, ديزەل وتىنى - 10,6 پايىزعا ارتقان.

2019 جىل قازاقستاننىڭ وتىن نارىعىنداعى باعانىڭ تومەندەۋىنەن باستالدى. بۇل ەلدەگى مۇناي وڭدەيتىن زاۋىتتاردى جاڭارتۋدان كەيىن پايدا بولعان وتىننىڭ مول قورىمەن بايلانىستى ەدى. بۇل ءۇردىس اقپان ايىندا دا جالعاسىن تاۋىپ, اي-92 ماركالى بەنزيننىڭ عانا ەمەس, ديزەلدى وتىننىڭ دا باعاسى ءتۇستى.

قازىرگى تاڭدا ەڭ ارزان كوگىلدىر وتىن Royal Petrol بەكەتتەرىندە.

ونداعى اي-92 145 تەڭگەدەن ساتىلىپ جاتىر. بۇل قاڭتارمەن سالىستىرعاندا 4 تەڭگەگە كەم. «قازمۇنايگاز» بەن Sinooil بەكەتتەرىنە بارساڭىز, وتىننىڭ 1 ءليترى ءۇشىن 149 تەڭگە جۇمسايسىز. سوڭعىسى 20 ليتردەن كوپ العاندارعا جەڭىلدىك جاساپ, 146 تەڭگەگە بەرەدى. اناعۇرلىم قىمبات باعا وتىندى 150 تەڭگەدەن ساتاتىن «گازپرومدا», بىراق ونىڭ ءوزى جانارماي باعاسىن 3 تەڭگەگە تۇسىرگەن.

ديزەلدىڭ باعاسىن اۋىستىرماعان Helios پەن Royal Petrol اتالعان وتىندى 191 جانە 188 تەڭگەدەن ساتۋدا. وزگە جەلىلەر ديزەلدىڭ قۇنىن ەكى تەڭگەگە تومەندەتىپتى. Sinooil مەن «قازمۇنايگاز» ەندى ونى 191 تەڭگەدەن ساتىپ جاتىر. ال «گازپروم» بەكەتتەرىنەن 191 تەڭگەگە الا الاسىز.

گۇلبارشىن ساباەۆا,

 «ەqemen Qazaqstan»

الماتى